يا قلبي يانا
يا قلبى يا نا يا مسكين ** بطل بقى تدى الأمان
فاكر إن منك اتنين ** زيك تمام فى الحنان
إنت من النادرين ** فبطل شغل الجنان
الحاجة الوحيدة اللى شبهك ** صورتك جوة المراية
أقولك ، ده حتى دى عكسك ** بتوريك البداية نهاية
و لو حتى مرة مشيت ** هتلقى ضلك متابعك
ملازمك مهما روحت وجيت ** وبرضه مش هيكون أدك
قصر الكلام والملخص ** مهما فى يوم حنيت
إوعاك توفى و تخلص ** لتكون بإيديك إنتهيت
إنت كامل مش نص ** و #مفيش لو حبيت
#من_وحى_حرفى
ليست هناك تعليقات:
إرسال تعليق