حلمك المستحيل
لما حلمك يبقى مستحيل
وجوة قلبك مالهوش بديل
يبقى همك جوة قلبك
زى ليلك الطويل
تبقى سارح
ما كان ما رايح
ليل نهار
محنى وذليل
وإما تبكى ولا تصرخ
بإيه يفيد كُتر العويل
كفاية إلى ضاع
خليك شجاع
كُتر الأمانى
هيخليك عليل
لو الأراضى كانت صحارى
ضحى بعرقك ماتبقاش بخيل
بكرة النسايم تملى الجناين
رمش العرايس يبقى كحيل
ولا المهور بقت نذور
طول ما إنتا نايم تبقى عويل
حبة إخلاص ويا التفانى
إثبت لحلمك إنه ليك
وإنه عنك مالهوش بديل
محمد حسانين
ليست هناك تعليقات:
إرسال تعليق