قصيدة قبل الزلزال
===========
فكرت مرة وبإمعان فى نعم عديدة من الرحمن
ايات وقدرة فى كل مكان سخرها برضه للانسان
وقلت يعنى ازاى من طين خلقنا واحنا كده عايشين
ومن نطفة يوهب برضه الروح لطفل داخل امه يكون
ولو كنت عالم او دكتور تعرف فى قدرة ملك الكون
والحركة تبدأ يوم عن يوم واعضائه تتخلق بفنون
العين دى لمبة وليها انوار تفتح تنور بإستمرار
وجواها شبكة من الشرايين وبكهربا بتضئ لسنين
وليها برضه كده عداد يزيد ويضعف مع الايام
بمولدات كده طبيعية ببلاش وقدرة ربانية
ودى معجزة ونعمة منان لازم ده يفهمها الانسان
ويخلق فى وشه برضه ودان بسماعات تسمع فى ادان
بضمان ومختوم من الرحمن وصيانة شاملة مع الايام
وخلق له برضه يعنى لسان بلغات عديدة فى كل مكان
وهو ده مصدر اسرار تخش بيه ده لجنة ونار
والحلو تعرفه بإستمرار وتستطعمه وبدون ده مرار
وخلق له برضه جهاز تكرير وبنعرفه باسم المناخير
يطرد فى غاز اسمه الكربون ويضر حتى القولون
ويجيب مكانه الاوكسجين نقى وفوايده للناس عارفين
يعنى مصانع طبيعية بعظمة وقدرة ربانية
وخلق له برضه جوز فى ايدين عارفة طريقها ورايحة لفين
تشيل وترفع بس فى خير وتدى مساعدة لكل الغير
وهى نعمة الاهية حكمتها دعم الانسانية
والعقل ده جهاز فيه شبكات تبعت فى اشارات باختيارات
وجواه دى دورة دموية تدور وترجع بتقنية
وشبكات توصل شمال ويمين فيها اوردة وكمان شرايين
بنظام ودقة متتابعين تسير وتجرى سنين وسنين
واجهزة وشبكات تموين وحكومة واعية بتملا العين
ويقولوا ده جهازه الهضمى مطبخ ده آلى وكمان يدوى
وجهاز مسالك بولية ده صرف صحى بحنفية
ايات وقدرة من الرحمن وهبها ده لعبده الانسان
لجل مايقرا ويتأمل ويعيش فى نعمة ويتجمل
يشكر ويحمد بالعرفان ويعبد فى ربه فى اى مكان
ولو فى ده جزء فقدته زمان تعرف تحس بقيمته كمان
اسجد وصلى ياانسان وتوب لربك قبل الزلزال .
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق