مهما تفرقنا الأماكن
تفضل جوة القلب ساكن
مستحيل أقول نسيت
ده إنت وطني وإنت بيت
دعواتك ليا في السجود
حاميانى روحت ولا جيت
القمر لما يدور
ينشر ع الارض سرور
بس غيرك إنت مليش
يملأ عمري بأبهي نور
الفراش لو يشوفك
ينسي عشقه للزهور
يعلن فورا ميت يمين
الياسمين زي الصخور
عارف بالي راح لفين
بس ليا تكون صبور
نفسي أغمض ليك عينيك
وأكتب ممنوع لغيري المرور
وأحبسك جوة ضلوعي
وأرمي مفتاحه جوة البحور
ناوية أعمل حواليك مقام
وأشيد ع قلبك أعتي سور
أصل ببساطة حبيبي
بصراحة وبدون غرور
الملايكة اللي زي جنابك
تستاهل في الحب أحلي حور
ليست هناك تعليقات:
إرسال تعليق