................ الى صديقة الفيس ..................................
حروف كلامك
اللى طالع من صوابعك
مش من شفايفك ...............
خلانى عارف اوصفك
وكأنى شايفك
......
من قبل ما تردى وانا
عارف ردودك
عارف نهايه جرأتك ... عارف حدودك
وبحس لما بتضعفى .. وقوه صمودك
ونسيم وجودك
وبحس قبل ما تضحكى على اى نكته
وبحس غضبك فى الكلام لو حتى ساكته
وبرغم انى مشوفتكيش لكنى عارفك
اصبحت قادر اوصفك
وكأنى شايفك
...........
وبحس لما بتندهى بحرفك عليا
والقى كلامك بص لى جوه ف عنيا
افرح ويخجل
اطلب ويقبل
ويمد سطره من بعيد يلمس ايديا
وبرغم انى ما شوفتكيش لكنى عارفك
اصبحت قادر اوصفك
وكأنى شايفك
عمدة
ليست هناك تعليقات:
إرسال تعليق