رمضان ،، بقلم الشاعر المبدع / خالد العطار

رمضان
ورجعت تانى من جديد
ورجعت ايامك تفتكرنى
انا لسة فاكرك مش نسيت
يا ترى بعد ما طال انتظارى؛؛
ممكن تنتظرنى؟؟؟
آآآه يا وطن
معشش جوا قلب الزمن
آه يا طوق النجاه
فى بحر موج الفتن
انا خفت تنسانى
بس عارفك راجع اكيد
خفت ترجع تلاقى مكانى
من غيرى اصبح وحيد
رمضان يا اغلى فرس
بين خيول الزمن
ياما صاب شيطانى الخرس
وقيدوا ربى عن الفتن
ياما استنيت طلة هلالك
بفرحة جاية معاك من بعيد
وقلت ربى يتمم فرحتى
ويقبلنى فيك اكون سعيد
قدومك حبيبى فرح
وفيك ياما قلبى انشرح
حتى رحيلك فى قلبى عيد
يا رب امة محمد متقسمة
الف شطر والف ايد
بدعوك يا رب توحد مجدها
على قلب واحد من جديد
وييجى عيدك يا رمضان
القى الحزين اصبح سعيد
خالد العطار