رمضان جانا *
رمضان اهو هل كده وجانا
والناس بقدومه فرحانة
واكثرنا الناس الغلبانة
اصل رمضان بيصحينا
من توهه اخذتنا من نفسنا
وبعدتنا كثير عن بعضنا
انت ياعم ياعمنا
يامسحراتي حيينا
تعالا يلاعندنا
وطوف تاني بينا كلنا
وغني اغنية تلمنا
يامسحراتي صحينا
من توهه اخذتنا من اهلنا
جمعنا تاني ف فرحنا
خلينا نسامح وننسي جرحنا
يامسحراتي كده غني
اصحي يانائم قول فوقني
خليني وغيري اعمل سحوري
وبعديها اتوضي واكمل طهوري
ونصلي مع بعض كلنا
ونتقرب اكثر من ربنا
دا اكثر شهر بيلمنا
ف جوامع وبيوت ربنا
وكأننا ناسين طول السنة
يامسحراتي طوف بينا
خلينا نرجع لنفسنا
خلينا نرجع الي كان
ونحس ببعض زي زمان
وميبتش فينا حد جعان
ونتجمع تاني ف كل مكان
ولا اي حاجة تهزنا
رمضان اهو جه عندنا
بقلم / عبيرهلال
ليست هناك تعليقات:
إرسال تعليق