يوم ما اقابلك
شعر : محمد ضباشه
-----------
يوم ما أقبلك حتى صدفة
صحي قلبك واندهيه
واسأليه عن حبه ليه
أن قال كرهته كدبيه
والكلام اللي ع الشفايف
يا ريت تحاولى تمسحيه
ودوبى خصام السنين
في كاس قساوتك واكسريه
ويوم ما نقعد للعتاب
يا ريت كلامي تفهميه
وان نداكى قلبك يا روحي
وفكرك بيه أسمعية
وافتحي قلبك قصادى
وأوعى تانى تقفليه
وتذكري كل كلامي
اللي ناويه تحرقيه
وتحرقى حبى فى قلبى
اللى كنتى حاسة بيه
وأكتبى على القلب أسمى
وأوعى تنسى وتشطبيه
وأن سمعتي نبض قلبي
جوه قلبك أسالية
راح تسمعى كلمة بحبك
ويا ريتك أنت تصدقيه
ليست هناك تعليقات:
إرسال تعليق