........................... الأم معجزة من المعجزات................
.............................تركت القلم يكتب عنى......................
أقول أيه ولا أيه عنك إنت الأصل
وكل زمن هـو زمنك بــدون فصل
مهما أقــول وأتكلم مش ح قدر
أوصف فيك لأنى عايز الف دهر
ببلاش أخدنا منك كل العـــــبر
ببلاش مقدرناش نتعلم الكل
إنت الإخلاص وأغلى مهـــــــر
علمتينا الشموخ في عز الذل
علمتينا الرسوخ لما الصبر مل
إنت ضوء حياتنا ووضوء صلاتنا
الورد طرح من دعائك
والبستان نور بضيائك
أجمل منك مفيش
أحلي من حسنك متلاقيش
والهدوء لما الدم بيفور ويغل
حنانك طرح على أغصانك فل
إبتسامتك راحة وواحة آمل
إنت شراعنا وبلسم أوجاعنا
غنت البسمة اللي ملكيش مثل
إنت النسمة وطراوة الضل
والحكمه اللي عايشينها جبل
والكلمة منك معني وحزم وحل
إنت الريح والمسك وزفيرك عطر
إنت العزيمة في وقت الألم مصل
والنخوة لما المـــيزان يختل
والعزوة اللى بتجمعنا ونتلم
إنت الدفا في عز الأهات
إنت الصفا في عز النوات
أحفادى يا امه اللى حبوكى
كل عيوم بيسألونى عليكى
كبروا وأترعرعوا على اكتافك
بيتمنوا يشوفوكى ويبوسوكى
ولمسة حنانك ليهم من أيديكى
إنت أعز أم ورمز لكل الأمهات
ومهما كان الألم أحلي الذكريات
إنت اللي عيشتى بالقليل
وروضتى الدنيا في كل الحكايات
وصبرك دلوقت ملهش مثيل
وبقى دلوفت من المعجـزات
فاكرينك كل يوم حكمة وذكـــرة
لغاية ما نقابلك يامه في الآخرة
......................... كلمات ...حسـن الشـوان....... موثقة..
ليست هناك تعليقات:
إرسال تعليق