في قلبك وجع -- بقلم المهندس فهمي علي

 

الشاعر المهندس فهمى على

 

فى قلبك وجع
يا اول و اخر ولد يتسمع
يا شايل همومها
و عايش ليومها
يا عاشق ترابها يا اجدع جدع ...
صحيح هى خانت
و رجعت فكانت
على روحها هانت
فغطت هدومك بحبة رقع
و نسيت هتافك
و شدت لحافك
و عرت كتافك
و مدت ايديها برغيف مرتجع
و لفت فنامت فى حضن الديابة
فخلوها تنهش فى لحم الغلابة
و بعد اما حلمك ملاها طيابة
بقت زى غابة ملاها الفزع
فلملم جروحك
و ما تلومش روحك
ما تسيبش نوحك
ف نفسك يقع
فبكره ... بتاعك
هتفرد شراعك
و ترفع دراعك
تلاقى النهار اللى غايب طلع
‫#‏فهمى_علي