وايه كمان بقلم الشاعر رأفت الدلال
وايه كمان
فى ايه تانى هتقوليه وايه تانى هتعمليه
قولى ومتخبيش منا عايش وميهمنيش
هو انا ال خايب ومعاكى مش عارف اتعامل
ولا الامل بعيد عنى وانا معاه بعاند
طيب ما اعاند وانا هخسر ايه تانى
احلامى وهقدر احققها منا ليا رب مش ناسينى
وعليكى قادر يقوينى
بس مش هقلق نفسى ايه جاى تانى
منا عايش وهشوف وهعرف بس كفايه
كده حقيقى كفايه تعبت ومش قادر
ومعاكى بعافر ومصمم انى هكون
ويكون لونى واحد متلونش بالف لون
وطريقى ولو كنت فيه لوحدى هكمله
انا مش ضايع ولا عمرى كنت فى يوم تايه
انا متهزمش بسهوله وانت اعملى ال تقدرى عليه
عارف ال يعاند معاكى خسران بس هعاند
منا لو معنديش امل حرام اعيش
واعيش ليه ومافيش امل
صدقينى ممكن تهزمينى لكن مش هتقدرى تكسرينى
دورى على غيرى يمكن ليكى يسلم
لكن انا ممكن اتالم لكن مستحيل اسلم
عرفتينى ولا لسه يادنيا ناويه كمان تتعبينى
ليست هناك تعليقات:
إرسال تعليق