لا يا قلبى ::::::: بقلم الشاعر / محمد ضباشه

 لا يا قلبى
محمد ضباشه

يا قلبى مش كفاية
لعبهم بالهوى وبيه
فتحوا فى قلبى جراح
وباعوا وأشتروا فيه
ونسيوا حبى لهم
كنت شايله فى عنية
وقفلوا باب قلبهم
ورجعوك حزين ليه
غدارين والله حبايبك
زرعوا الغدر حواليه
كنا من غيرهم مرتاحين
طمعونا وعشمونا بحبهم
وسابونا أنا وأنت مجروحين
ماصدقوا حتى فى حيهم
دول جرحونا بكدبهم
وسهرونا فى بعدهم
وعذبونا بهجرهم
لا يا قلبى كدا كفاية
أنسى الحب اللى كان
جوه قلب نسى حبك
غدار وماله أمان
كنت محتاج منه أيه
حضن مليان بالحنان
ولا نظرة شوق بحب
عليك تملى المكان
ولا كلمة تاخدك بعيد
تسكن جنب القمر
أهم سابوك ويا الجراح
حزين مع الليل والسهر
وتعيش بفكرك معاهم
وتفتكر أنهم راجعين
وهمة ناسينك يا قلبى
ولا حتى لهواك فاكرين
ولا قالوا أنك حبيبهم
ولا بالجراح حاسين