بسم الله الرحمن الرحيم
رد على قصيدة الشاعر هشام الجخ
ايوة بغير
قال أيه بيغير
وقف شاب أسمر ونحيل
بص شمال ويمين
فرز كل بنات القاعة
واطلع في وشوش القاعدين
وقال كفاية دلع وحنين
دلعك زاد الحد
وحنينك جزر ومد
والاتنين مش لازمين حد
استنيتك سبت وحد
دلاالك زاد عدا الحد
وأنا راجل صعيدي بجد
دمي حامي وقلبي ملكي
عمره ماكان ولا هيكون
مشاع لحد
قامت وراسها فوق في السما عاليه
ماهي جوهرة غالية
قالت مش ذنبي إنك بتغير
ولامحتاجة قوالة وتفسير
ما أنا برضه عندي مشاعر وبغير
مش عاوزاك بشكل تاني ولا فيك تغير
لابويه في جلدك ولا تقشير
ولا يوم قلت احبسك جوه قمقم
عشان بحبك وبغير
بتلف سيادتك من قاعة لقاعة
وتطلع في وشوش الحلوين
وتشوف أم شعر قصير
ولاطويل
وتملي عيونك م السمرة والبيضة
وتعيش يومك في الهيصة والزيطة
وتوصل عندي وتقول قال أيه بتغير
ياخي شوية تفكير
عشان أنا حرة وبت الناس
مش محتاجة سجن
في معبد بناقوس
ولا دير باجراس
وعشان أنا بت الناس
أقدر أصون أنا نفسي
من غير غفر ولا حتى جوزين حراس
هو أنا لو مش حرة وبت الناس
ما هيمنعني قفل وميت ترباس
ولا يحرسني جيش بعساكره
ولا ألف من الحراس
ليست هناك تعليقات:
إرسال تعليق