(( الثوره قامت .. ونامت )) بقلم // جمال محمود

الثوره قامت...ونامت,,,,
.................................
الثوره قامت ونامت..على ضفاف النيل
حكمت وحكم الاعمى ما له دليل
ارض الامانى بعيده والقطر فيه تعطبل
والصبر قطع الكفن ونام فى ضلمة ليل
باكى ودمعه محتاج كتير مناديل
يا ثورة المساكين...هما خدوكى لفين
للقمة العيش اللى ناشفه
والموت ملهش بديل
الصمت مش خوف
من بعده يجى السيل
يخلع ويقلع ويفسر التأويل
يكتب حروف الشهاده على ضفاف النيل
ويعلم الفتيان شجاعة الترتيل..............
...................
يا صبرنا المزروع حوالين شطوط العين ثورتنا راحت فين...وشهدها يبقى مين
راسيه مراكبنا وغرزها فى الطين
لما هيجى المد منكنش موجودين
ابكى يا دمع العين...
واحكى عن الجعانين
برد الشتا لوعهم
يا قلة البطاطين
ولحد امته ياقهر
ماسك على الرجلين
ماتغيرت الوانك
ولا سكتت دموع العين
الكل راجع على قديموه
بيسن فى السكاكين
.......
ياثورة الاحزان ..انت طرحت انين
فى كل بيت محزنه
ويتيم وام بنين
وام الشهيد اللى راح
ولا عارفه راح على فين
مينا وجيكا على الجندى مع
عفت والاسم مصرين
الكل واحد والدم فى تلوين
يا ناس قولولنا.....
لحد امته نفضل شوية مجانين
الكل خسران مادام قفلنا العين
لو قولنا لأ,,,,لأ
ملاين يقولوا امين
طرشان فى زفه بيسقفوا ماشين
مولد وصاحبه نايم وهما مش عارفين
سنين تعدى واحنا ع الشخير واخدين
كفيانا ضرب فى ميت
كفيانا ثورطيييييييييييييييين
اشعار //جمال محمود,