((( فزورة ))) بقلم // محمد حسانين

فزورة
عملنا كشرى وكفتة
ودعينا عيال الحتة
شغلنا المهرجنات
خد يلا تعالى وهات
ما تفك بقى يا عم
الواد ناويها غم
نحنوحنا قالها زمان
وزمان قالها دلوقتى
لو تبعد ايدك عنى
انا هبعد عنكم موت
والى منى مخوفكم
قولوله يطق يموت
دا انا خيخة ومفيش منى
على الحجر كمان شايلنى
إكمنى مطيع وامير
مطرح ما يقولوا مهاود
وازاى وليه هعاند
طاطى يا خيشة وعيش
عاوزين بقى ناكل عيش
متبت انا فى الكرسى
زى مواصتنى جارتى
والى يبصلى فى اللقمة
هنكد على الى جابوه
احمر وحماره احتار
عايش من بدرى معانا
يركب ينزل وايا نا
مستنى المحطة الجاية
والجاية مش بالعافية
الجاية لسه فى سكة
سكها طويلة وصعبة
عندها مشاكل عملة
وديون قال بالجملة
سرقوها ليلة امبارح
ورموها للطير الجارح
اصلها خيالها سارح
بتفكر فى الى خانوها
رموها للدبة العامية
و القردة كانت حافية
لبست جزمة وطربوش
وحجرين على الشيشة يا صاحبى
اتلموا ولاد الايه
وفى حتة كمان محدوفة
و ايادى كبيرة حلوفة
وادوها حتة علقة
طلعت دايخة ومجروحة
مش عارفة لمين هتروح
من سيناء للسلوم خادتها مشى وعوم
فى الزور واقف كاللقمة ناشفة ومش مبلولة
حلوة جميلة الفزورة فسرها لابن الخايبة

محمد حسانين