ريشة واحاتية بلادى العزيزة بقلم اسلام عاشور

ريشة واحاتية

بلادى العزيزة

بلادى بلادى
بلادى العزيزة
يا اغلى ماليا
بلادى العزيزة
يا ضى ف عنيه
ومنى يا بلدى
مليون تحيه
وتعظيم سلام
فى وصفك يا بلدى
بيعجز لسانى
بالبوح والكلام
*****
صفاتك يا بلدى
كلها فيه
طيبتك يا بلدى
ظاهرة ف عنيه
قساوتك يا بلدى
فى خشونه ايديه
سمارى يا بلدى
وارثه من طينك
وشارب كاسات للرجوله
من عرقى بجبينك
*****
بحبك يا بلدى
حتى ترابك
وحتى هواكى
وزرقه سماكى
بحبك يا بلدى
وكلى فداكى

*****
بلادى العزيزة
يا مصنع رجال
صمودهم لوحدو
صمود الجبال
وحوش لما صاحوا
عبرو القنال
وحوشك جنودك
وحارسين حدودك
فاردين ايديهم فى السما
بيعملو جناحات
هما الى طاروا
واغارو من السماوات
لاجل حبك يا بلادى
ولادك يصنعوا معجزات

بلادى العزيزه
يا اغلى ماليا
بلادى العزيزة
يا ضى ف عنيه