اسد وحمار __ بقلم الشاعر محمود طلبه

اسد وحمار وارض خيار
وحكيم حكمه مفهش هزار
وجماعه من الخرفان
ياكلو ويرعو في كل مكان
اسد وحمار صحاب وجيران
عمر محد غدر ولا خان
وف يوم ف صبح نهار
الحكيم قال علي اسرار
الحمار ليه ارض خيار
والاسد ليه الخرفان
اكل يكون ف ميعاد واذان
واللي يفوته ميعاد اكله
يبقي عقابه يكون حرمان
والحكم مفيش فيه اعزار
مهما يسبب من اضرار

والاسد سافر واتغرب
قال لصديقه احرس خرفاني
واما ميعاد الاكل يقرب
بلغني هجيلك ف ثواني

وميعادهم ظهرت رئياه
وصديقه عمره منساه
دا صديقه اللي عاش وياه
جزء كبير واخده ف دنياه
راحو ميعادهم بالمظبوط
فجأه لقم حرمان مشروط
وبيجري الوقت وبيفوت
والاسد هيموت م الجوع
مش فاهم ايه الموضوع
في ايه غير الاتفاقات
واكتشفو بعد الخلافات
ان ميعاد الخرفان فات
عدي من سبع سعات
والخيار للحمار
والحكيم قال القرار
لا رجوع ولا ينفع اعزار
والاسد راح م الانظار
كان سبب ثقته ف حمار
بس حمار بيحب صديقه
عمره مراد ليه الاضرار
عمر مكان دا حمار غدار
واتهدت بينهم اسوار
واتفارقو طول المشوار
اسد وحمار وارض خيار
وحكيم حكمه مفهش هزار