( قسمة ونصيب ) بقلم الشاعر رضا ابو حسين

قسمه ونصيب
===========

جاي تقول قسمه ونصيب طب واللي كان
جي علي الزمان تع...يب. مالوا الزمان
بعد عمري ماضاع معاك بعد الغرام
بعد مادبت ف هواك بتقول سلام
بتقول سلام. عشان مفيش قسمه ونصيب

الف مره قولتلي. ان انا بختك وحظك
الف مره كنت فاكر. ان انا وحبي ف قلبك
كنت عايش ع الامل عمري اللي راح
وانت جاي تقولي اسف ع الجراح
بعد كل اللي جري جاي تقول قسمه ونصيب

العيب عليك. مش ع الزمن ولا ع النصيب
العيب علي اللي عمره ماكان ليه حبيب
اوعي تجيب سيرة الهوي وسيرة القلوب
انت وقلبك مليانين. ظلم وعيوب
اسكت بقي. اياك تقول قسمه ونصيب

كنت فاكرك قسمتي. فاكرك نصيبي
كنت دايما باشتريك. علشان حبيبي
بس شفت الغدر باين بين حروفك
شفت كلمة انسحاب بيقولها خوفك
بعتني برخص التراب
ورميت خيانتك ع النصيب
والعيب عليك
العيب عليك مش ع الزمن ولا ع النصيب
قسمه ونصيب