بالسلامة ياخال :: بقلم الشاعر / عمر شمروخ

بالسلامة ياخال

لسة انا تحت السجر
لسة باسأل امتي تاجي ...
يامنة طلعت القمر 
وف ايديها خدت حراجي ...

الفوارس جاية ترمح
شوف دياب وادي سلامة ...
عند ربك بكرة تفرح
آآه ياخالي بالسلامة ...

قاعدة بهية في العزا
ماسكة في ايديها وهيبة ...
سلامتك ياخالي م الاذي
قاعدة ليك ف القلب هيبة ...

ليه ياخال سبت النديم
ليه نويت من الدنيا تنقل ...
لسة عاشق عبد الحليم
ولا قعدة جنب دنقل ...

لسة ليك في القلب قصة
الصعيد ماباحش بيها ...
الحكاية لسة ناقصة
عند ربك هتلاقيها ...

بالسلامة يا هلالي
يابن ابنود والصعيد ...
كل اعمالك تلالي
عند ربك كون سعيد ...

شمروخ ...