((( شئ مش جميل ))) بقلم // هشام عبد الجواد

شئ مش جميل
الميزان لو يوم يميل
و إن حلمك يبقي ضايع
و إن حملك شئ تقيل
و أما فرحك يبقي ثانيه
و يبقي همك وزن فيل
لما عيشتك جوا بلدك
تبقي هي المستحيل
يوم ما تصحي تلاقي عمرك
ضاع وفاضل فيه قليل
و إن حلمك هو نفسه
يوم تعيشه بدون كفيل
يوم تبقي الغربه ذكري
و إني مش عابر سبيل
يوم ما كل الدنيا تعرف
إني مصري ..
ايوه مصري ..
و علموها لكل جيل
اللي يشقي ف أرض غيره
غيره ناكر للجميل
و إنه مهما يعلًي فيها
يوم ما يمشي ما راح يشيل
****************
بس وحياتك يا بلدي
تعدلي شويه الميزان
و إن ولادك قسموكي
يبقي لينا ف يوم مكان
و اللي ياخد حق غيره
و ظلمه لينا ف قلبه هان
عرفيه إن الحقيقة
بكره ييجي اليوم تبان
و إن نيلك بيجري فينا
و إننا نبته ف ترابك
و النهايه لكل ظالم أو جبان .
بقلم /هشام عبد الجواد