((( صمـــــــــــت ))) بقلم // حسين امين

 

صمت
صمتك إنت
كان يفوق بركان غضب
خلق الكلام
اللى فى قلوبنا إتكتب
و لسه جواكى كلام
يملى كتب و يقول خطب
قولى و ثورى
ده السكوت جمرة لهب

ثورى و قولى
إن إحنا مش دمى و لعب
إن إحنا عايشين الحياه
جهد و تعب
إن إحنا جوانا ضمير
رغم إنه بيتنهب
إن إحنا معدننا أصيل
أصل الدهب
صمتك عجيب
لسه بيتحمل اكاذيب الزمان
لسه بيتحمل
كدبه كده و كدبه هنا
و كدبه كمان
لسه بيتحمل غضب
لسه فيه تانى مكان
إمتى صمتك ينفجر
و الغضب فيكى يبان
قولى بقى
مبقاش زماننا يحتمل
صبر و سكوت
إحنا فى زمن
فيه كل حاجه بتشتغل
فيه بالريموت
و إنت مستنيه إيه
و العمر بيعدى يفوت
قولى بقى
دى الحروف جوه صمتك
راح تموت
بقلمى : حسين امين