تحيه لأرواح شهداء وأبطال أكتوبر لأحمد جمعه

بقلمي
تحيه لأرواح شهداء وأبطال أكتوبر

تسلم إيد الرجال
اللي عدوا القناال 
دكوا الحصن المنيع
بدأوا بعده القتاال
وكتبوا النصر بدمهم
والعلم مرفوع ع الساري بيرفرف
فرحان والبسمه باينه ع جبينه
تسلم إيد الرجاال

الله أكبر عاليه فوق
والصوت بيها بيدوي
يسلم كل اللي قال
تسلم إيد البطل
اللي حارب
وبإذن ربه إنتصر
صايم ولهيب الحر يحرق جبينه ومش همه
أرضه وعرضه هوا دا شغله وهوا دا همه
ورفع حفنه تراب أرضه
رفعه كدا وشمه
فيها أخوه إندفن وباقيه ريحه دمه

فيها إخواته اللي ماتوا قبله
ماتوا عشان ترجع
صرخ بأعلي صوته وقال
فينك يا شهيد تسمع
وتشوف الأرض دي بترجع

تسلم إيد الرجااال
اللي عدوا القناال
صنعوا الحلم المحال
وداسوا بالبياده صهيون
داست عليه النعال
رجال ف الأرض ثابته كالجباال
تسلم إيد الرجااال

تسلم إيد الرجال : لأحمد جمعه
٦/١٠/٢٠١٤