قصيدة .. عامي
عندي سؤال لو تسمحوا
من فضلكم .. من فضلكم
.عندي سؤال لو تسمحوا
ليه الصهاينة ... يا عرب
بيقتلوا ... ويدبحوا
قدتم عنيكم كلكم
ما حد قام من مطرحه
ليه ف السياسة تفشلوا
وهما دايما ينجحوا
.......... عندي سؤال لو تسمحوا
ليه الصهاينة .... يا عرب
خانوا الوعود .. خانوا العهود
وانتم تحافظوا ع الوعود
حتي ولو كانوا يهود
عايشين كمان ع الذكريات
عايزين صلاح الدين يعود
دي أرضكم .. مش راح تعود
غير بالكفاح ... غير بالصمود
.....عندي سؤال لو تسمحوا
ليه الصهاينة يفرضوا
أسوأ شروط .. ونقول آمين
ليه يا عرب .. حكام كتير
باعوا القضية ... من سنين
شايلين فلوسهم ف البنوك
في بنوك سويسرا .. آمنين
غزة.... ويافا ... والخليل
شوفوا المجازر .. في جنين
..... عندي سؤال لو تسمحوا
ليه يا عرل .. ليه القواعد
تنبني .... فوق أرضكم
والعم سام باعت سلام
مبسوط ... وراضي عنكم
ليه الصهتينة من زمان
والغرب .... نفسه يذلكم
والانجليز ... والعم سام
حالفين ل ياخدوا نفطكم
..... عندي سؤال لو تسمحوا
حتي ... تكاليف الحروب
بتدفعوها ... وحدكم
إن حقكم .... ضاع منكم
إيه اللي فاضل لكم
ليه الصهاينة ببهجموا
وانتم تلوموا حظكم
عندي سؤال لوا تسمحوا
نفسي يصلني ردكم
....... عندي سؤال لو تسمحوا
شعر ..رمضان عزوز
ليست هناك تعليقات:
إرسال تعليق