(احساس ام شهيد)
حبيب قلبى يانبع حنان
إسم الله عليك يابنى
ما بين لحظه صبحت فى كان
يا رب الكون صبّرنى
حبيبى فى رعاية الله
ونا قلبى إلألم جوّاه
من الفاجعه بيصرخ أااه
وكيف أوصف عليك حزنى
أنا عينى بتنزف سيل
وفى قلبى مرار الويل
وحزنى شديد عليك بالكيل
وبدعى الله يشيل عنى
ومهما الدمع منى سال
ومهما القلب عذابو طال
بشوف فى عينيك موال
بحس إنك تكلمنى
تقول لّى ماتحزنيش يامه
عشان ارتاح انا فى نُمتى
حزينه ليه أنا فى جنه
وشرفى زاد مع شهادتى
تقول لّى إلبسي لى جديد
وعيشى يامه عُمر سعيد
وافتخرى انتى أُم شهيد
ووصى الكل يفرح لى
ياأُمى نادى بالأفراح
وقلبك اتركيه يرتاح
وبثى روح شرف وكفاح
فى قلب اخواتى من بعدى
*********
عبدالله ابو النجا
ليست هناك تعليقات:
إرسال تعليق