------انتهى عصر الكلاب-------كلمات الشاعر احمد جابر سويلم
رغم ان الحلم لساه سراب
المعالم صوره ملياها الضباب
الحكايه تايهه فى الف باب
البدايه دم مغطى الثياب
العزيمه اقوى من صوت الحراب
والكلام عالورق اجمل خطاب
والسؤال تسمعه ناقص جواب
والحقيقه مدفونه جوا التراب
=================
رغم ان الحلم لساه سراب
رغم الياس الامل جاى يفتح كل باب
قلنا كاس الصبر مره فى قلوبنا داب
والحقيقه نورها طالل من خرم باب
والجبان همه كله يهرب من اى باب
والشهامه شمس طله فى لون الثياب
لونه ابيض نفس لون قلب الشباب
والجبان داير بيعوى زى الكلاب
=======================
رغم ان الحلم لساه سراب
كلمه كنت فى يوم قريتها مره فكتاب
لجل ماتحقق مرادك بالعزيمه افتح كل باب
والعمل خليه طريق يتفتحله كل باب
والامانه والعدل بيهم يكمل النصاب
والصلاه لكل عاصى حبه ربه وتاب
والخيانه فى الجبان مش فى الكلاب
والى مستنى لقمه تفوتها الكلاب
ماتسويش كرامتك لما يجى يوم الحساب
===========================
رغم ان الحلم لساه ساب
الحقيقه راح هتفتحلك كل باب
والنهار شمسه طلت بعد الغياب
والكرامة جايبه رايه ترفعها فوق كل باب
قوم يامصرى اقراْ دورك فى الخطاب
قوم يامصرى انتهى وقت العتاب
قوم يامصرى دوس فوق كل الذئاب
قوم يامصرى رمز حلمك حللوه فى الحساب
ليست هناك تعليقات:
إرسال تعليق