((( :: العرافــــــــة :: ))) بقلم // ميادة محمد عبدالعزيز

 

:: العرافــــــــة ::

 عرافه ماشيه ف الطريق
تنادى رح اشوف الودع
أشوف فيه بخت الصبيه
وكمان أشوف بخت الجدع
ندهتها تعالى اوام
بسرعه جمبى وأقعدى
وسألتها جايه منين
ردت وقالت
انا اللى ساكنه هناك بعيد
بوعد السنين للمجروحين من الهوا
ومعايا جوه ف أوفتى
دمع حزين صراخ انين
وكمان معايا اجمل دوا
قولي لى راح فين الحبيب
دنتى منايا ومطلبى
ضحكت قوى وسكتت وقالت
طب صلى بينا على النبى
أرمى بياضك واسكتى
لحد ما أخلص كلمتى
وقولي لى على اسم الجدع
وبعدها هتتكلمى وتسلمى
وتتدلعى وتتبغددى
حقك ياحلوه والنبى
قاعدت تهرتم بالكلام
وتقول كلام اناماأعرفوش
يارب حوش يارب حوش
وخلصت كل الكلام
وحطت أيديها ف وسطها
ساعتها انا خوفت منها
قربت منها حبيتن
لقيت ملامح وجه حبيبى
بتترسم على كفها
بصت وقالت
السعاده سكتك
والفرح صاحب دنيتك
ضحكت من قلبى قوى
هاتى اللى جوه فى أوفتك
سكتت وقالت
ليكى غريب من كام سنه
بتحلمى وياه بالهنا
حتنولى معاه كل المنا
ودبلته فى صباع حضرتك
جاى النهرده بفرحته
والليله هحضر زفته
وأزوقك بايدى انا
عروسه حلوه لحضرته
بصيت بعينى وسط الطريق
لقيته جى بضحتكه
يفرش ورود ف سكته
جريت عليه دوبت ف عنيه
بصيت ع الست العجوز
لقيتها صوره بتختفى
وسايبه وراها حجاب ورق
مكتوب عليه
ملايكه نازله من السما
تداوى جرح المجروحين
م الهوا
ربك بعتهم برحمته
للى انظلم واللى انكسر
واللى انكوا
رحمن رحيم لما بيوهب
رحمته بتبقى هى اجمل دوا
بقلم / ميادة محمد عبدالعزيز