((( :: هتجولى :: ))) بقلم // مياده عبدالعزيز

 

:: هتجولى ::

هتجولى تعيدى تزيدى
وناسيه انى صعيدى
وراسى جو اها دماغى
وبفكر ذين و سليم
هتجولى امك عملت
هجولى امك قالت
ما عاوزش لط حريم
امى بجه تاج على راسك
احسن منك ومن ناسك
ياو ليه اتهدى امالى
جولى يا فتاح يا عليم
عماله بتبكى وتشكى
وتروحى لامك تحكى
وتجولى عليها ظلماكى
وهى دايما عوزاكى
تبجى احسن م الباجين
اتلمى حبه امالى
يلا بسرعه تعالى
بوسى ايديها ورجليها
دى ايامك ذى الطين
قومى بسرعه يا بهيه
همى شويه يا وليه
لو امى نامت زعلانه
رح اخلى سنينك طين
انتى فاكرنى هسامحك
غصبى مرسوم ف ملامحك
روحى الله لا يسمحك
انا جلبى والله حزين
امى شجيت ر بتنى
للدنيا ديه جابتنى
ولا عمرها ليله هانتنى
تعبت ويايا سنين
انا روحى تفادى رضاها
رح اعيش واموت وياها
انا عايش جوه حماها
امى دى من الصابرين
خلاص خلصت كلامى
جومى وفزى جدامى
ولا عمرك يوم هتنامى
الا اما تروحى تجولى
سامحينى يا ام سليم

بقلم / مياده عبدالعزيز