بحر الحب--------------------؟
بيقولوا بحر الحب ملوش أمواج
واللي يعدي البحر يغرق
قلت المية تكذب الغطاس
أشوف أنا بنفسي وأجرب
لقيت نفسي عند الشط
أتوه في الحب وأتغرب
لقيت الحب زي الليل
من شباكه مفيش مهرب
أخدني الموج وعدى بي
لقيت نفسي في شباك الحب
أسير ومطلوك ومستغرب
ليه ما أجري من شباكه
في شباكه ميت مهرب
شفت عيون زي السحر
وشفت شفايف بتكهرب
شفت شموس في عتم الليل
وشفت أقمار تولا عنيك
ببريق يقول مفيش مهرب
وورود ترمي عبير يخلي
ضي العين متخدر
بيقولوا بحر الحب ملوش أمواج
بحر الحب ملوش مذهب
تكون خالي يحوم حواليك
تشوف موجه تستغرب
يتوه فكرك تروح لبعيد
تلاقي الموج بيقرب
تشوف قلوب جوه البحر
ودموع امواج تستغرب
وضحكة حزينة تندهلك
وأشواق بتمطر شوق وحنين
وجزيرة صغيرة جوه البحر
فيها ناس تقول للحلم قوم نهرب
--------------------------------
شاكر محمد المدهون
21/11/2014
ليست هناك تعليقات:
إرسال تعليق